«Nur Astana» meshiti qaıyrymdylyq sharasyn ótkizdi (FOTO)

31 naýryz 2020 4057 0
Оqý rejımi

Elordanyń tórinde ornalasqan «Nur Astana» meshitinde «Biz birgemiz» aktsııasy aıasynda qaıyrymdylyq sharasy jalǵasyn tapty.

Hadıs-sháripte «kórshisi ash otyryp, ózi toq bolǵan adam bizden emes» delinedi. «Bir aǵzanyń músheleri ispetti» bir-birimen tyǵyz baılanysty bolǵan musylman qaýymy qaı kezeńde bolmasyn «bir jeri aýyrsa, búkil dene sezetindeı» janashyrlyǵymen, qamqorlyǵymen erekshelengen.

Kúnimizde syndarly kezeńdi basynan ótkizip otyrǵan halqymyz arasynda meıirimi men janashyrlyǵy úılesken atymtaı jomart jandar barshylyq. Sondaı qoly ashyq, júregi keń demeýshilerdiń atsalysýmen «Nur Astana» meshitiniń ujymy jaǵdaıy tómen otbasylarǵa azyq-túlik jaǵynan járdem kórsetti. Meshittiń bas ımamy Nurlan Ramazanov qaıyrymdylyq sharalary aldaǵy ýaqytta da jalǵasatynyn aıtty.

 

Pіkіrler Kіrý