Saýat ashý kýrstarynyń jumysyn jandandyrý el meshitteriniń mańyzdy baǵyttarynyń biri. Bul úrdis bir jaǵynan halyqty dinı durys aqparattarmen qamtý bolsa, bir jaǵynan jat ıdeıalogııalardyń aldyn alý jumysy deýge bolady.
Jat aǵymnyń aldyn alý maqsatynda «Nur Astana» meshitiniń shákirtteri arasynda ımam Tahaýıdyń «Tanym tuǵyry» kitabynan «Senimińe selkeý túspesin» atty bilim saıysy ótti. Saıystyń maqsaty – shákirtterge durys senimdi nasıhattaı otyryp, jat aǵymnyń jeteginde ketýden saqtandyrý.
Sharaǵa qatysqan bas ımam Asqar Ábitaıuly shákirtterge saıystyń máni men mańyzyna toqtalyp, bilim básekesiniń bıik deńgeıde ótýine sáttilik tiledi.
Jalpy eki kezeńnen turatyn saıystyń alǵashqy kezeńine 100 shákirt qatysyp, bilimderin synady. Birinshi kezeńnen iriktelip alynǵan bes shákirt juma kúni jınalǵan jamaǵattyń aldynda aqtyq saıystan ótedi. Júzden júırik shyqqan shákirtterge aqshalaı syıaqy men arnaıy dıplomdar tabystalady.
