Nur-Sultan ókildiginiń uıymdastyrýymen «Ramazan kerýeni» jolǵa shyqty (FOTO+VIDEO)

12 mamyr 2019 814 0
Оqý rejımi

Qasıetti Ramazan aıynyń qurmetine oraı búgin Nur-Sultan qalasynda «Ramazan kerýeni» jolǵa shyqty. QMDB Nur-sultan ókildigi «Rýhanı jastar» uıymynyń uıytqy bolýymen bastalǵan ıgi bastamaǵa qaladaǵy 10 qulshylyq ordasynyń qyzmetkerleri men jamaǵaty, eriktiler uıymdary men belsendi stýdent jastar, Nur-Sultan qalasy Din problemalaryn zertteý ortalyǵynyń qyzmetkerleri jumyla atsalysyp, qaıyrymdylyq kerýeniniń qataryn kóbeıte tústi.

Respýblıkalyq «Áziret Sultan» meshitinen bastaý alǵan «Ramazan kerýenine» jalpy sany 80-nen astam kólik qatysyp, aldyn ala túzilgen tizim boıynsha Elordamyzdaǵy 100 muqtaj otbasyǵa azyq-túlik taratyldy. Qasıetti aıdaǵy qaıyrymdylyq sharasyn jandandyryp, jan jylýymen bólisýge umtylǵan jamaǵatqa QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly izgi tilegin bildirip, aq batasyn arnady.

Bas meshit aýlasynda jıylǵan jamaǵat osy jerden kúndelikti turmysqa qajetti azyq-túlik, et salynǵan «Ramazan sómkelerin» tıep, kórsetilgen mekenjaılarǵa kósh túzedi. «Ramazan kerýeniniń» alǵashqy kóligi Balalardy ońaltý ortalyǵynyń jataqhanasyna soǵyp, naıb múftı Naýryzbaı qajy Taǵanuly óz qolymen «Ramazan sómkesin» tabystap qaıtty.

Elordamyzdaǵy eriktiler uıymy men qaıyrymdylyq toptarynyń túgeldeı basyn qosqan aıtýly shara aldaǵy ýaqytta taǵy da uıymdastyrylatyn bolmaq. Nur-Sultan qalasynyń bas ımamy Naýryzbaı qajy Taǵanulynyń aıtýynsha, mundaı qaıyrymdylyq sharalary qasıetti Ramazan aıy jalǵasyn tabatyn bolmaq.

Sýretterdi «FOTOGALEREIa» aıdarynan kóre alasyzdar!

 

 

Pіkіrler Kіrý