NURBEK QAJY ÁÝESHANULY: ULTTYQ DÚNIETANYMNAN ALYSTAMAIYQ 

Búgin Astana qalasynyń bas ımamy jumys kestesine saı ókildikke qarasty «ás-Sálam» jáne «Tólebaı» meshitterine bardy.

Eń aldymen «ás-Sálam» meshitiniń qazirgi jaı-kúıimen tanysyp tolyq aralap shyqty. Qulshylyq úıiniń ımamy Dastan Zııashuly jamaǵatqa bes ýaqyt namazdardyń tolyq oryndalyp, juma namazy jáne ýaǵyzy kestege saı júrip jatqanyn sondaı-aq shákirtterge dárister turaqty ótetinin málimdedi. Bas ımam óz kezeginde meshittiń tazalyǵyna mán berý, jamaǵatpen jumys – basty mindet ekenin, odan bólek jat aǵymmen jumystyń toqtamaýyn qadaǵalaý keregin basa aıtty.

Keıin bas ımam bastaǵan jumys toby qaladaǵy alǵashqy meshitterdiń biri sanalatyn «Tólebaı» meshitin zııarat etti. Ádilhan Serikbaıuly qulshylyq ordasynyń aýlasynan bastap, ishindegi kilemge deıin jańarǵanyn, jaryq shamdarynyń tolyq aýysqanyn aıtyp odan bólek rýhanııatqa qatysty jamaǵatpen atqarylyp jatqan sharýalardy baıandap ótti. Bas ımam din jolyndaǵy amanatqa berik, ár iske jaýapkershilikpen qaraýǵa shaqyrdy.

«Meshit – Allanyń úıi. Biz osy din amanatyn adal atqarýǵa tıispiz. Nasıhatymyz nyq, oıymyz anyq, jamaǵatymyz din men dástúrge berik bolǵanyn qalaımyn. Biz árqashan ulttyq dúnıetanym aınalasynda ómir súrýge tıispiz. Sonyń biri tól aspabymyz dombyra. Keıbir syrttan kelgen toptar ózge de jamaǵat arasynda dombyranyń haram ekeni aıtylyp qalady. Biraq biz san ǵasyr boıy babalarymyzben birge jasasyp kele jatqan rýhanı muramyzǵa qurmetpen qaraýǵa tıispiz. Imamdarymyz da ulttyq muramyzdy jańǵyrtý jolynda nasıhatyn jetkizýi tıis. Elimizde shilde aıynda Ulttyq dombyra kúni atap ótiledi. Onyń bári bizdiń tól óner, qundy jádigerimizge qurmet. Biz de sol jolda, babalar jolynda din men dástúr qundylyǵyna saı qyzmet eteıik» - dedi bas ımam.

Meshitte ótken kezdesý barysynda ózge de negizgi máseleler qaralyp, qaıyrymdylyq, rýhanı dáris, jamaǵatpen turaqty baılanys jaǵy basa aıtyldy.

Sýretter tolyǵyraq «FOTOGALEREIa» aıdarynda!

Источник: Aisha