Nursultan Nazarbaevtyń tóraǵalyǵymen din kóshbasshylarynyń VI sezi bastaldy (FOTO)

10 qazan 2018 114 0
Оqý rejımi

Búgin elordada QR Prezıdenti Nursultan Nazarbaevtyń tóraǵalyǵymen Álemdik jáne dástúrli dinder kóshbasshylarynyń VI sezi jumysyn bastady.

Sez jumysynyń ashylý rásiminde túrli ult ókilderinen quralǵan hor «Aq kógershin» ánin oryndady. Alqaly jıynǵa barlyq álemdik jáne dástúrli dinderdiń ókilderi, sonymen qatar bedeldi dinı lıderler, saıası qaıratkerler men halyqaralyq uıym ókilderinen quralǵan 46 elden 82 delegatsııa qatysýda. Sezdiń mártebeli meımany - Serbııa Respýblıkasynyń Prezıdenti Aleksandr Výchıch.

Jahandyq sharanyń basty jáne negizgi taqyryby - «Dinı lıderler qaýipsiz álem úshin». Altynshy sezd aıasynda «Álem HHI ǵasyr» manıfesi» jahandyq qaýipsizdik tujyrymdamasy retinde», «Qubylmaly geosaıası jaǵdaıdaǵy dinder: adamzatty biriktirýge arnalǵan jańa múmkindikter», «Din jahandanýy: syn-tegeýrinder men jaýaptar», «Din kóshbasshylary men saıası qaıratkerler Ekstremızm men terrorızmdi eńserý jolynda»  atty tórt baǵyt boıynsha sektsııalyq otyrystar ótedi.

Aıta keteıik, jalpy otyrysqa deıin QR Parlamenti Senatynyń tóraǵasy Qasym-Jomart Toqaevtyń tóraǵalymen Dinı lıderler keńesiniń otyrysy ótken bolatyn.

 

Pіkіrler Kіrý