Oblys ákiminiń quttyqtaý hatyn tabystady (FOTO)

Búgin elordada Bas múftı Naýryzbaı qajy Taǵanuly Aqtóbe oblysy Din isteri basqarma basshysy Álimbek Jánibekulyn qabyldady.

Kezdesýde Álibek Jánibekuly oblys basshysy Ońdasyn Orazalınniń quttyqtaý haty men ıgi tilegin jetkizip, óńirde júzege asyp jatqan birqatar ıgi jumystar jaıly áńgimelep berdi.

«Sizdi elimizdiń Bas múftıi bolyp saılanýyńyzben quttyqtaımyn! Joǵary biliktiligińiz ben iskerligińizdi eskere otyryp, halqymyzǵa qyzmet kórsetýmen qatar, elimizdegi musylman qaýymynyń aýyzbirshiligin arttyrý jolynda Sizdiń jańa laýazymyńyzǵa asa jaýapty mindetterdi júkteıtindigi sózsiz. Sizge izgi nıetimdi bildire otyryp, jemisti de jeńisti sátter, qajymas qajyr-qaırat, talmas talap-jiger tileımin!» delingen Aqtóbe oblysy ákimi Ońdasyn Orazalınniń joldaǵan quttyqtaý hatynda.