ORTALYQ AZIIa ǴALYMDARY: Orazany bir kúnde bastaımyz (FOTO)

Nur-Sultan qalasynda Qazaqstan, Ózbekstan jáne Qyrǵyzstan elderiniń pátýa bólimderiniń basshylary men mamandary bas qosty. 

Alqaly jıynda 2019 jyldaǵy ramazan aıynyń bastalý jáne aıaqtalý kúnderin belgileý máseleleri talqylandy, sondaı-aq zeket, pitir sadaqasy jáne pidııa mólsherlerin anyqtaý jóninde pikir almasty.

Sóz kezegin alǵan QMDB Sharıǵat jáne pátýa bóliminiń meńgerýshisi S. Shoqanov musylman kúntizbesin júıeleý máselesiniń asa qajettiligin atap ótip, bul jaıynda qonaqtarmen óziniń tyń oılarymen bólisti.

Qyrǵyzstan musylmandary dinı basqarmasy Ǵulamalar keńesiniń tóraǵasy A. Kadyrberdıev jańa aıdy belgileý jóninde júrgizgen zertteý jumystaryn baıandap berdi. Ózbekstan musylmandar dinı basqarmasy Pátýa bóliminiń basshysy H. Ishmatbekov mundaı kezdesýlerdiń mańyzdylyǵyna toqtalyp, jıi kezdesip turýdy usyndy.

Kezdesý sońynda pátýa bóliminiń basshylary bıylǵy ramazan aıyn bir kúnde bastaýǵa sóz baılasty.

Bul baǵyttaǵy kezdesýler aldaǵy ýaqytta da óz jalǵasyn tabatyn bolady.