«PÁTÝA SAǴATYNDA» RAMAZANǴA QATYSTY MÁSELELER TALQYLANÝDA (FOTO)

Elordadaǵy «Áziret Sultan» meshitinde kúnderdiń sultany jumada turaqty túrde júrgizilip kele jatqan «Pátýa saǵatynyń» búgingi jıyny da orazaǵa qatysty máselege arnaldy. «Áziret Sultan» meshitiniń naıb ımamy, Astana ókildigi boıynsha pátýaǵa jaýapty maman Ibraev Tamırlan Darhanuly men Shalqar Joldy jamaǵat suraqtaryna jaýap berip, qasıetti aı týraly kóptegen paıdaly aqparattar aıtty. Búgingi «Pátýa saǵatynda» Qadir túnine qatysty, oraza aıt pen pitir sadaqasyna qatysty suraqtar kóptep qoıyldy. 

Aıta keteıik, «Áziret Sultan» meshitinde «Pátýa saǵaty» apta saıyn eki tilde qatar uıymdastyrylyp, jaýapty qyzmetkerler jamaǵatqa QMDB Sharıǵat jáne pátýa bólimi shyǵarǵan pátýalar men úkimderdi tanystyryp keledi. Qasıetti Ramazan aıy bastalǵaly «Pátýa saǵatynyń» negizgi taqyryby orazaǵa baılanysty bolyp keledi.