Pavlodar meshitteri ár beısenbi saıyn tegin aýyzashar berýdi bastady (FOTO)

Pavlodar oblysynyń ókil ımamy Joldas Qospaqulynyń bastamasymen endi ár beısenbi saıyn shahar meshitteri jamaǵatqa arnap tegin aýyzashar dastarhanyn jaıyp otyratyn bolmaq. Igi bastamanyń alǵashqy aýyzashary ótken aptada Pavlodar qalasyndaǵy «Ǵazız» meshitinde bastaý alǵan bolatyn.

Alla Elshisiniń (s.ǵ.s.) súnnetimen aýyz bekitip, nápil oraza ustaǵan jamaǵattyń basyn qosqan berekeli dastarhan basynda ýaǵyz-nasıhat aıtylyp, Pavlodar qalasynyń jamaǵaty úshin beısenbi kúniniń baǵasy arta túskendeı. Ókil ımam Joldas Qospaqulynyń aıtýynsha, bul ıgi bastama ár beısenbi saıyn qalalyq «Máshhúr Júsip», «Omar ál-farýq», «Ábý Bákir syddyq», «Aqmeshit» meshiti, «Bıjan» meshitterinde jalǵasyn taýyp osy retpen  qasıetti Ramazan aıyna deıin jalǵasyn tabatyn bolmaq.