PREZIDENT BAS MÚFTI NAÝRYZBAI QAJY TAǴANULYN QABYLDADY
Memleket basshysy Qasym-Jomart Toqaev Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulyn qabyldady. Bul týraly Aqordanyń baspasóz qyzmeti habarlady.
Kezdesý barysynda Qasym-Jomart Toqaev qasıetti Ramazan aıyna oraı elimizdiń barsha musylmandaryna izgi tilegin joldady. Memleket basshysyna Ramazan aıynda elimizdiń árbir aımaǵynda uıymdastyrylyp jatqan qaıyrymdylyq sharalar jóninde málimet berildi.
Sonymen qatar Naýryzbaı qajy Taǵanuly Qazaqstan musylmandary dinı basqarmasynyń qoǵamda dástúrli ıslam dinin keńinen dáripteý jáne el ıgiligi men birligi jolynda atqaryp jatqan jumystary jóninde baıandady.
Bas múftıdiń aıtýynsha, dinı basqarma osy jyldy «Islam jáne izgi qoǵam» jyly dep jarııalady. Onyń aıasynda jyl boıy birqatar mańyzdy is-shara uıymdastyrylady. Sondaı-aq ulttyq salt-sanany jańǵyrtý, dástúrli ıslamǵa basymdyq berý úshin aldaǵy ýaqytta birqatar jobany júzege asyrý josparlanǵan.
Memleket basshysy múftııattyń bastamalaryna qoldaý bildirip, halqymyzdyń dúnıetanymyna saı dástúrli ıslamdy dáripteý mańyzdy ekenin aıtty.
