Prezıdent Ramazan aıymen quttyqtady

24 sáýіr 2020 4878 0
Оqý rejımi

Memleket basshysy Qasym-Jomart Toqaevtyń Ramazan aıynyń bastalýymen quttyqtady. Bul týraly Prezıdenttiń baspasóz qyzmeti habarlady.

«Barshańyzdy qasıetti Ramazan aıynyń bastalýymen shyn júrekten quttyqtaımyn! Bul – búkil álemdegi musylman qaýymy úshin rýhanı jańarý men jańǵyrý kezeńi. Ramazan aıynda árdaıym yrys pen yntymaq, izgilik pen meıirim saltanat qurady. Otyz kún Orazada muqtaj jandardy qoldap, qaıyrymdylyq kórsetý ıgi dástúrge aınaldy.

Ókinishke qaraı, bıylǵy Ramazan aıy tótenshe jaǵdaı kezeńine tuspa-tus kelip otyr. Sondyqtan jamaǵatty Qazaqstan musylmandary dinı basqarmasynyń usynymdaryn oryndaýǵa, indetke qarsy kúreste birlik pen jaýapkershilik tanytýǵa shaqyramyn. 

Biz, Qazaqstan halqy, qanymyzǵa sińgen qadir-qasıettiń arqasynda kez-kelgen synaqtan abyroımen ótemiz dep senemin. Sizderge zor densaýlyq, baq-bereke jáne tolaǵaı tabys tileımin!» – dedi Qasym-Jomart Toqaev.

Pіkіrler Kіrý