QALA BAS IMAMY «ÁS-SÁLAM» MEShITINDE MÁÝLIT OTYRYSYNA QATYSTY

Astana qalasynyń bas ımamy Nurbek qajy Áýeshanuly «Ás-Sálam» meshitinde ótken Máýlit otyrysyna qatysty.

Dastarhan basyndaǵy rýhanı júzdesýge «Ás-Sálam» meshitiniń bas ımamy Dastan Zııashuly, meshit aqsaqaldary men jamaǵat qatysty.

Otyrysta Paıǵambarymyzdyń (Oǵan Allanyń salaýaty men sálemi bolsyn) ónegeli ómiri men kórkem minezi jaıynda taǵylymdy áńgimeler aıtylyp, Máýlit jyry oqyldy. Jamaǵatpen birge salaýattar aıtylyp, Alla elshisine ﷺ degen súıispenshilik pen qurmet dáripteldi.

Sondaı-aq rýhanı jıynda qala bas ımamy Nurbek Áýeshanuly ımandylyq, birlik, baýyrmaldyq pen kórkem minezdiń mańyzy týraly aıtyp, musylman balasynyń Paıǵambarymyzdyń ónegeli ómirinen úlgi alýy jóninde oılaryn ortaǵa saldy.

«Ás-Sálam» meshitiniń bas ımamy Dastan Zııashuly qala bas ımamyna arnaıy ýaqyt bólip, jamaǵatpen birge Máýlit otyrysyna qatysqany úshin rızashylyǵyn bildirdi.

Otyrys sońynda eldiń amandyǵy, jurttyń tynyshtyǵy men berekesi úshin duǵa jasalyp, jamaǵat izgi tilekterin bildirdi.

Máýlit otyrysynan bólek, Nurbek qajy Áýeshanuly meshit jamaǵatymen birge besin namazyn ótkizip, kórkem nasıhat aıtty.

Sýretterdi «FOTOGALEREIa» aıdarynan kóre alasyzdar!