QALA BAS IMAMY «TÓLEBAI» MEShITINDEGI MÁÝLIT KEShINE QATYSTY
Astana qalasynyń bas ımamy Nurbek qajy Áýeshanuly ókildikke qarasty «Tólebaı» meshitinde ótken Máýlit keshine qatysty.
Kezdesý barysynda qala bas ımamy meshit jamaǵatymen júzdesip, taǵylymdy nasıhat aıtyp, Máýlit aıynyń máni men mańyzyna toqtaldy. Sondaı-aq Paıǵambarymyzdyń (Oǵan Allanyń salaýaty men sálemi bolsyn) ónegeli ómiri, kórkem minezi men adamzatqa qaldyrǵan ósıetteri jaıynda sóz qozǵap, jamaǵatty izgilikke, jaqsy amaldarǵa umtylýǵa úndedi.
Sondaı-aq, Máýlit keshine «Tólebaı» meshitiniń bas ımamy Ádilhan Serikbaı, meshit qyzmetkerleri men jamaǵat qatysty. Rýhanı keshte «Áziret Sultan» meshitiniń naıb ımamy Jumanazar Óserhanuly Máýlit jyryn oqyp, Paıǵambarymyzdyń ómir joly men kórkem qasıetterin dáripteıtin rýhanı jyrdan tartý etti. Kórshilikpen Alla Elshisine salaýattar aıtyldy.
Kesh barysynda qala bas ımamy meshittiń aqsaqaldaryna arnaıy syı-qurmet kórsetip, qazaqy jón-joralǵy dástúrimen ıyqtaryna shapan japty. Bas ımam el amandyǵy men jurt tynyshtyǵyn, meshit jamaǵatynyń aýyzbirshiligi men yntymaǵyn tilep, bata jasady. Aqsaqaldar men aq jaýlyqty ájeler de izgi tilekterin bildirip, alǵystaryn jetkizdi.
Sýretterdi tolyǵyraq «FOTOGALEREIa» aıdarynan kóre alasyz!
Источник: Aisha
