QARTTAR KÚNINE ORAI «ÁZIRET SULTAN» MEShITINDE TAǴYLYMDY JIYN ÓTTI
Búgin Astana qalasy ókildigi, «Áıel-qyzdar» sektorynyń uıymdastyrýymen «Áziret Sultan» meshitinde «Qarttarym – asyl qazynam» atty is-shara ótti. Jıynǵa qala bas ımamy Nurbek qajy Áýeshanuly arnaıy qatysyp, Bas múftıdiń ystyq yqylasyn jetkize otyryp aq jaýlyqty analar qaýymyn merekemen quttyqtady jáne kórkem nasıhatyn jetkizdi.
«Barshańyzdy alda kele jatqan 1-qazan «Qarttar kúnimen» shyn júrekten quttyqtaımyn! Eń aldymen, osynaý berekeli jıynnyń qasıetti meshit tórinde ótip jatqanyna qýanyp, búgin bas qosyp otyrǵan barsha aq jaýlyqty analarymyzǵa Alla Taǵalanyń raqymy men meıirimi jaýsyn dep tileımin.
Qazaq halqy qashanda úlkenin syılap, qarııasyn qurmettegen halyq. «Qarııasy bar úıdiń qazynasy bar», «Kóp jasaǵannan surama, kópti kórgennen sura» degen taǵylymdy sózder de halqymyzdyń úlkenge degen qurmetiniń aıǵaǵy. Óıtkeni jasy úlken adamnyń ómirden kórgeni, júrip ótken joly, jınaǵan tájirıbesi – keıingi urpaq úshin úlken mektep.
Dinimizde de ata-anany ardaqtaý, úlkendi syılaý máselesine aıryqsha mán berilgen. Sizderge qarap otyryp, taǵy bir mańyzdy dúnıeni erekshe atap ótkim keledi. Sizder meshitimizdiń tynys-tirshiligine kýá bolyp qana júrgen joqsyzdar. Sizder – meshitimizdiń rýhanı ómirine belsene aralasyp, óz úlesterińizdi qosyp kele jatqan qadirli jamaǵatsyzdar. Alla Taǵala jasaǵan árbir izgi amaldaryńyzdy qabyl etsin» - dedi Bas ımam.
Sondaı-aq bas ımam «Ájeler mektebi» klýbynyń asyl dinimizge jyldar boıy atqarylyp kele jatqan adal qyzmetine alǵysyn bildirdi.
Jıyn barysynda «Áıel-qyzdar» sektorynyń jáne «Ájeler mektebi» klýbynyń jetekshisi, «Áziret Sultan» meshitiniń ustazy Kúlsara Mamyrqyzy klýbtyń osy kúnge deıingi jasaǵan is-sharalarynyń esebin aıtyp, qatysýshylarǵa erekshe alǵysyn jetkizdi. Jıynǵa kelgen analarǵa gúl shoqtary men syılyqtar tabys etildi.
Aıta keteıik 2019 jyly óz jumysyn bastaǵan «Ájeler mektebi» klýby osy kúnge deıin kóptegen rýhanı-mádenı is-sharalardy uıymdastyryp, ıgi bastamalardyń uıytqysy bolyp keledi.
Sýretterdi tolyǵyraq «FOTOGALEREIa» aıdarynan kóre alasyzdar!
Источник: Aisha
