Qasıetti juma «Qaıyrymdylyq jármeńkesimen» ajarlandy (FOTO)
Qasıetti juma kúni «Nur Astana» meshitiniń áıelder sektory, «Jibek» qyz-kelinshekter klýby qaıyrymdylyq jármeńkesin ótkizdi, dep habarlaıdy ummet.kz tilishisi.
Jármeńkeniń ótýine meshit ustazy Dınara Qutqojaqyzy men áıel jamaǵaty, qyz balalardan quralǵan shákirtter tolyqtaı atsalysty.
Qaıyrymdylyq jármeńkesi aıasynda meshittiń áıelder sektorynda tálim alatyn shákirtter men «Jibek» qyz-kelinshekter klýbynyń músheleri óz qoldarymen daıyndaǵan taǵamdar, táttiler, toqashtar men basqa da buıymdar satyldy.
Sharanyń maqsaty – jármeńke qarajatymen muqtaj jandarǵa qaıyrymdylyq kórsetý.
Túsken qarajatty meshitimizge tirkelgen turmysy tómen otbasylarǵa, aýyr syrqatqa dýshar bolǵan jandardyń dári-dármekterine, ota jasaýyna kómek retinde úlestiriletin bolady.
