Qazaqstan ımamdary men ustazdary Quran hatym duǵasyn jasady (FOTO)

Búgin, 13 shilde – Jalpyulttyq aza tutý kúnine baılanysty respýblıkanyń barlyq óńirinde Quran Hatym duǵasy jasaldy.

Elimizdiń ońtústigi men soltústiginde, shyǵysy men batysynda, ortalyq óńirlerinde sońǵy bir apta ishinde 100 Quran Hatym oqylsa, búgin oblystardyń bas ımamdary, medrese ustazdary arnaıy duǵa jasap, bir Alladan el amandyǵyn tiledi.

Imamdar men ustazdardyń bári de indetten qaıtys bolǵandardyń rýhyna Quran baǵyshtap, qol jaıyp, Jaratqannan qıyndyqtyń sońynan jeńildik kelýin, naýqastardyń tezirek saýyǵyp, indettiń jer betinen joıylýyn surady.

Buǵan deıin QMDB tóraǵasy, Bas múftı Naýryzbaı qajy Taǵanulynyń bastamasymen ókildikterde indetke qarsy duǵa jasalyp, qurban shalynǵanyn aıta ketken jón.