Qazaqstan men Reseıdiń birinshi naıb múftıleri kezdesti (FOTO)
Astanada Qazaqstan musylmandary dinı basqarmasy tóraǵasynyń Birinshi orynbasary, «Áziret Sultan» meshitiniń Bas ımamy Naýryzbaı qajy Taǵanuly Reseı múftıler keńesi tóraǵasynyń birinshi orynbasary Rýshan Abbıasovty qabyldady.
Resmı kezdesýge QMDB Apparat basshysy Ǵylymbek Májıev, Qoǵamdyq kelisim komıtetiniń bas sarapshysy Nurǵalı Qabylov, QMDB Halyqaralyq qatynastar jáne protokol bóliminiń meńgerýshisi Ershat Ońǵarovtar qatysty.
Kezdesýde Qazaqstan men Reseı musylmandary dinı basqarmalary arasynda qalyptasqan baýyrlyq baılanysty odan ári nyǵaıtý, ǵylymı, dinı, mádenı baǵytta birlisken jobalardy júzege asyrý, din qyzmetkerleriniń áleýetin arttyrý, shákirtter daıarlaý, t.b. máseleler talqylandy.
Basqosý barasynda sóz bolǵan negizgi másele: «Rýhanı Jibek joly. Islam jáne jastar: qazirgi zaman syn-qaterleri aldynda» atty IV halyqaralyq ǵylymı-teologııalyq konferetsııany uıymdastyrý. Kezdesýde aıtýly sharaǵa daıyndyq jumystary pysyqtalyp, uıymdastyrý-úılestirý is-sharalaryna qatysty ekijaqty kelisimder jasaldy.
Aıta keteıik, ótken jyldyń mamyr aıynda Qazaqstan musylmandary dinı basqarmasynyń tóraǵasy Serikbaı qajy Orazdyń Reseı Federatsııasyna jasaǵan resmı sapary barysynda «Rýhanı Jibek joly» atty halyqaralyq konferentsııa ótkizý týraly kelisim jasalǵan. Reseı múftıler keńesiniń tóraǵasy Ravıl haziret Gaınýtdın Serikbaı qajy Orazdyń bul usynysyn qoldap, oń pikirin bildirgen bolatyn.
