Qazaqstan Prezıdenti sheıh Zaıd meshitine bardy (FOTO)

Memleket basshysy Birikken Arab Ámirlikteriniń Abý-Dabı qalasyndaǵy kórikti jerleriniń biri – sheıh Zaıd meshitin aralap kórip, osy eldiń negizin qalaýshy ári tuńǵysh prezıdenti sheıh Zaıd ben Sultan Ál Nahaıannyń rýhyna taǵzym etti.

Sondaı-aq, Nursultan Nazarbaev meshit ǵımaratynyń arhıtektýralyq ereksheligimen tanysyp, Qurmetti qonaqtar kitabyna qoltańba qaldyrdy.

Meshitke bir ýaqytta 50 myń adam syıady. Ǵıbadat ornynyń buryshtaryna bıiktigi 107 metr bolatyn tórt munara ornatylǵan. Bas ǵımarattyń syrtqy qabatyn aq mármármen kómkerilgen 82 kúmbez jaýyp tur. Meshittiń ishki aýmaǵy 17 400 sharshy metr.