Qazaqstanda «Abaı tv» jáne «Ál-Farabı» telearnalary iske qosylady

Bıyl Qazaqstanda eki jańa telearna iske qosylady. Bul týraly Ortalyq kommýnıkatsııalar qyzmetiniń alańynda QR Aqparat jáne qoǵamdyq damý mınıstri Aıda Balaeva málimdedi.

Mınıstrdiń aıtýynsha, 30 maýsymnan bastap «Qazaqstan» TRK telearnasyna kiretin otandyq mádenıettiń baılyǵy men murasyna arnalǵan jańa «Abaı TV» telearnasyn iske qosý josparlanýda.

Sonymen qatar, salaly vedomstvo basshysy atap ótkendeı, oqý jylynyń basynda «Habar» agenttiginiń bazasynda 6 jastan 18 jasqa deıingi balalar men jasóspirimder aýdıtorııasyna arnalǵan jańa bilim berý-aǵartýshylyq televızııalyq platforma bolatyn «ál-Farabı» arnasy iske qosylady.

Otandyq serıal óndirisiniń damýy týraly aıta kele, A.Balaeva bıyl 42 serıal óndirisi josparlanǵanyn habarlady. Kórermenderge otbasy qundylyqtary, volonterlerdiń qyzmeti týraly qyzyqty jobalar, pedagogtar, dárigerler, polıtseılerdiń ımıdjin kóterýge, salaýatty ómir saltyn nasıhattaýǵa baǵyttalǵan serıaldar túsiriledi.