Qazaqstandyqtardyń alǵashqy legi qajylyqqa attandy (FOTO)
Qazaqstandyqtardyń alǵashqy legi qajylyqqa attandy. Almaty áýejaıynan qasıetti mekenge jolǵa shyǵýǵa jınalǵan 300 adammen Bas múftı Serikbaı qajy Oraz júzdesip, olarǵa sát sapar tiledi.
Bas múftı: «Bárimizge belgili, qajylyq degenimiz – Islamnyń bes paryzynyń biri, árbir musylmannyń mol saýapqa kenelip, Allanyń rızalyǵyna bólenetin qasıetti qulshylyǵy. Sondyqtan da bizdi osyndaı beıbit kúnge jetkizip, alańsyz ǵıbadat etýge múmkindik bergen Alla Taǵalaǵa sansyz shúkirlikter aıtamyz! Qajylarymyzdyń nıetteri qabyl, murattary asyl bolǵaı! – dep qajylarǵa óziniń júrekjardy sózin jetkizdi.
Almaty áýejaıynyń alańynda ótken júzdesýdiń ajaryn ashyp, rýhanı tálim-tárbıesin arttyrýǵa aqyndarymyz da óz úlesterin qosty. Elimizge tanymal aıtysker aqynymyz Qanat Myrzahan «Qajylarǵa arnaý» óleńin dombyrada naqyshyna keltirip oryndasa, jas aqyn Baýyrjan Myrzaqul da óziniń «Qajylarǵa sát sapar tileý» atty jyryn tartý etti.
Qajylyq saparyna alǵash attanǵan otandastarymyz da, ózderiniń kóńil tolqynystaryn jasyra almaı, el-jurttyń amandyǵy men tynyshtyǵyn tilep, qulshylyqtaryna Alladan jeńildik surady. Sonyń ishinde qajylyqqa bara jatqan Shalabaev Jarylqasym aqsaqal óziniń osy saparǵa shyǵýdaǵy nıetin bildirip, keleli oılary men keńesterin ortaǵa saldy.
Bıyl Saýd Arabııa eline Qazaqstannyń 4 qalasynan tikeleı áýe reısteri qatynaıdy. Al azamattardyń qajylyq saparyn 18 kompanııa uıymdastyryp otyr. Bıyl Saýd Arabııa koroldigi tarapynan Qazaqstandyq 3 myń adamǵa qajylyq kvotasy berilgen bolatyn. Búginde qajylyqqa attanatyn otandastarmyzdyń barlyǵy dinı saýat ashý kýrsynan ótip úlgerdi. Sondaı-aq, jat aǵymnyń jeteginde ketpes úshin jerlestirimizdiń janynda nasıhat toby da jumys istemek.
Serikbaı qajy Oraz:
18 kompanııamyz Mekke qalasyndaǵy 18 jerde ornalaspastan, bir móltek aýdanda, ıaǵnı bir-birine jaqyn bolǵan kvartaldarda, jaqyn bolǵan qonaq úılerde ornalasatyn bolady. Jáne bıyldan bastap Qazaqstan qajylary ózimizdiń elimizdiń kók týynyń túsimenen ár kompanııanyń emes, Qazaqstan qajylaryn birden menmundalap syrttan ózin kórsetip turatyndaı kıim úlgisinde biz bir izdilikke keltirdik.
