QAJYLYQ-2024: JAŃA TALAPTAR ENGIZILDI
«Qajylyq-2024» maýsymyn uıymdastyrý, qajylyqtyń jańa talaptaryn jan-jaqty nasıhattaýǵa baılanysty qazaqstandyq týrkompanııalarmen jıyn ótti.
Atalmysh jıynǵa QMDB Qajylyq bólimine jaýapty qyzmetkerleri men qajylyq maýsymyn uıymdastyrýǵa ruqsat alǵan 17 týroperator basshylary men ókilderi qatysty.
Jıynda naıb múftı Ershat Ońǵar: «Qajylyq jumystaryn uıymdastyrý – saýapty ári jaýapty is. Úlken qajylyq saparyn uıymdastyrýda Saýd Arabııasy Koroldigi Qajylyq jáne umra mınıstrliginiń belgilegen talaptary men sharttary tolyq saqtalyp, kórsetilgen merzimderge sáıkes jumys atqarylýy qajet» dedi.
Aldaǵy qajylyq maýsym ótken maýsymdarǵa qaraǵanda ózgeshe bolatyndyǵy jıi aıtylyp júr. Bıylǵy jyldyń basty ereksheligi 20 jeltoqsanǵa deıin tirkelgen azamattar ǵana qajylyqqa bara alady. Sebebi Saýd Arabııa Koroldigi Qajylyq jáne umra mınıstrliginiń talaby boıynsha «Qajylyq-2024» maýsymyna belgilengen ýaqytqa deıin qajylary tirkelip bitken elderge qajylyq oryndary berilmek. Iaǵnı, 20 jeltoqsanǵa deıin qajylyqtyń Elektrondy júıesine tirkelip, sol júıeden alynatyn qyzmet túrlerine (qonaq úı, Mına men Arafat qyzmetteri) qarajatyn tólegen kisi sanynyń kólemine saı, Qazaqstan azamattary úshin qajylyq oryndarynyń sany anyqtalatyndyǵy belgili.
2024 jyly 17 týroperator qajylyqqa nıet etken otandastarymyzǵa qyzmet kórsetý quqyǵyna ıe bolǵany jarııalandy. Demek, konkýrstan ótken 17 týroperator qajylardyń qaýipsizdigine, olardy Mekke-Medınaǵa aparyp-ákelýge, qonaq úı jáne as-sýmen, transportpen qamtamasyz etýge jáne tıisti qujattaryn rásimdeýge mindetteledi.
Olar: «Hıkmet Trevel» JShS, «Atlas Týrızm» JShS, «Qyzmet Saıahat» JShS, «Tawaf Travel» JShS, «Hıdaıat-Nýr» JShS, «Nur-Qazaqstan» JShS, «Nurkhan travel» JShS, «Sembekova ı K» TS, «Sanabl kz» JShS, «Mina travel» JShS, «Al-Marýa» JShS, «Ordabasy – NJ» JShS, «Robinzon kz» JShS, «Delta Tour» JShS, «Iman Travel Týr» JShS, «Dostik travel» JShS, «Qazaq Sapar» JShS.
Atalmysh týroperatorlarǵa 20 jeltoqsanǵa deıin azamattardyń qajylyq oryndaryn brondap jáne osy týroperatordyń birine tirkelýin jan-jaqty nasıhattaý qajettigi tapsyryldy.
Derekkóz: QMDB Qajylyq bólimi
