«QAJYLYQ-2026»: TÝROPERATORLAR DÁRIGERLERINIŃ JIYNY ÓTTI
Qazaqstan musylmandary dinı basqarmasynda qajylyq maýsymyna daıyndyq aıasynda jaýapty 14 týroperatordyń dárigerlerimen arnaıy onlaın jıyn ótti.
Jıyn barysynda qajylarǵa kórsetiletin medıtsınalyq qyzmet sapasy, dári-dármekterdiń jetkilikti bolýy,sondaı-aq densaýlyq qaýipsizdigin qamtamasyz etý máseleleri jan-jaqty talqylandy.
«Medıtsına mamandaryna qajylardyń densaýlyǵy men jalpy jaǵdaıyn turaqty baqylaýda ustaý qajettigin eskertip, bul baǵyttaǵy jaýapkershiliktiń joǵary ekenin jetkizdik. Sondyqtan biz úshin qajylardyń qulshylyǵyn durys oryndaýymen qatar, olardyń árqaısynyń densaýlyǵy men hal-ahýaly óte mańyzdy», - dep atap ótti Qazaqstan qajylyq mıssııasynyń tóraǵasy Kenjetaı Baıkemeluly
Aıta keteıik, bıyl konkýrstyq negizde 14 týroperatorǵa jalpy sany 4000 qajylyq orny bólindi. Otandastarymyz 15 mamyr kúni qasıetti saparǵa attanyp, 9 maýsym elge oralady dep josparlanýda. Bıylǵy maýsymda konkýrstyq negizde qajylardy tasymaldaý jumystary Qazaqstandyq Air Astana jáne SCAT, sondaı-aq Saýdııalyq Flyadeal áýekompanııalarymen júzege asady.Ushý reısteri elimizdiń iri megapolısteri – Almaty, Astana jáne Shymkent qalalarynan tikeleı Djıdda men Mádına qalalaryna baǵyttalady. Qajylardyń elge qaıtý sapary da osy eki qaladan kezeń-kezeńimen josparlanǵan.
