QAJYLYQ MAÝSYMYNA DAIYNDYQ JUMYSTARY PYSYQTALDY
2026 jylǵy 7–8 qyrkúıek kúnderi QMDB jarııalaǵan konkýrstar aıasynda týroperatorlar men qajylarǵa qyzmet kórsetetin kompanııalar, sondaı-aq áýe tasymaldaýshylarynyń ókilderi arasynda jumys kezdesýleri uıymdastyrylyp, olardyń usynystary qarastyryldy.
Kezdesý barysynda, Bushra Deyafa, Holiday Inn, Mashariq, Rajhi jáne Mashariq kompanııalary qajylarǵa kórsetiletin qyzmetter boıynsha óz usynystaryn tanystyryp, qyzmet kórsetý múmkindikteri men sharttaryn ortaǵa saldy. Qazirgi ýaqytta atalǵan usynystar týroperatorlar tarapynan zerdelenip, tıimdi ári sapaly qyzmet kórsetýge baǵyttalǵan máseleler boıynsha tıisti talqylaýlar júrgizildi.
Sonymen qatar QMDB jarııalaǵan áýe kompanııalary arasyndaǵy konkýrs barysyna qatysty kezekti jumys kezdesýi ótip, týroperatorlar men áýe tasymaldaýshy kompanııalardyń ókilderi bas qosty.
Jıyn barysynda Air Arabia, Air Astana, Flynas, Satguru Travel, SCAT, jáne Turkish Airlines kompanııalary qajylardy tasymaldaý boıynsha óz usynystaryn tanystyrdy. Áýe reısterin uıymdastyrý, tasymaldaý baǵyttary, qyzmet kórsetý sharttary boıynsha usynystar tyńdaldy.
Qazirgi tańda qajylyqty uıymdastyrýdyń negizgi baǵyttary boıynsha tıisti jumystar kezeń-kezeńimen jalǵasyp, týroperatorlar men qyzmet kórsetýshi kompanııalardyń usynystary jan-jaqty qarastyrylýda. Negizgi maqsat – qajylarǵa sapaly, qolaıly ári talaptarǵa saı qyzmet kórsetýdi qamtamasyz etý.
