QAJYLYQ ORYNDARYN ALÝ BOIYNShA KONKÝRS JARIIaLANDY

Saýd Arabııasy Koroldiginiń Qajylyq jáne ýmra mınıstrligi aqparat quraldarynda 2022 jyly sheteldik azamattarǵa qajylyq qulshylyǵyn jasaýǵa ruqsat beriletini jaıynda habarlady.

Bul rette, Qazaqstan musylmandary dinı basqarmasy (ári qaraı – QMDB) bıylǵy jyly qajylyqty uıymdastyrý boıynsha Saýd Arabııa Koroldiginiń Qajylyq jáne ýmra mınıstrligimen ózara árekettesip kelissózderdi ótkizýdi josparlaýda, solardyń ishinde qajylyq oryndaryn alý boıynsha suraqtardy sheshý kózdelip otyr.

QMDB 2022 jyly Qazaqstanǵa qajylyq oryndaryn alýdy qajylyqqa barýǵa nıet bildirgen elimizdiń azamattarynyń naqty sanyn, sondaı-aq qajylyq salasynda qyzmet kórsetetin qazaqstandyq týrıstik fırmalardyń múmkindikterin eskere otyryp sheshýdi jón kórip otyr.

Osyǵan oraı, qajylyq jáne umra salasynda qyzmet kórsetetin tájirıbeli týrfırmalardyń arasynda adal básekelestikke qol jetkizý jáne qajylarymyzǵa qolaıly jaǵdaı jasaý maqsatynda 2022 jyly qajylyqpen aınalysýǵa úmitker týrıstik fırmalar arasynda QMDB konkýrs jarııalaıdy.

KONKÝRS TALAPTARY:

1. «Qajylyq-2022» maýsymynda naqty ıgere alatyn qajylyq oryn sany jáne ony ıgere almaǵan jaǵdaıda tolyq jaýapkershilikti alatyny týraly QMDB-ǵa ótinish hat jazýy;
2. Týroperatorlyq qyzmetti júzege asyrý boıynsha QR qoldanystaǵy zańnamasynyń talaptaryna saı berilgen tıisti memlekettik lıtsenzııasynyń jáne onyń qosymshasynyń bolýy;
3. Dinı týrızmdi (qajylyq jáne umra) uıymdastyrýda 5 jyldan asqan oń tájirıbesiniń bar ekendigin aıǵaqtaıtyn qujattardyń bolýy;
4. QR zańdaryn jáne SAK qajylyqqa qatysty qoıǵan talaptaryn buzbaýy;
5. Salyq komıtetinde tirkelgeni týraly kýáliginiń bolýy jáne salyqtary tólengenin aıǵaqtaıtyn qujattardyń bolýy;
6. QR aýmaǵynda halyqqa sapaly qyzmet kórsete alatyn keńsesiniń bolýy (keńseniń meken-jaı anyqtamalyǵy, keńse nemese ǵımaratty jalǵa alǵan kelisim-sharty, áleýmettik jelidegi paraqshalary men resmı saıty jaıly aqparat).

Atalǵan qujattar 15 sáýirden bastap hajj@muftyat.kz poshtasy arqyly 25 sáýirge deıin qabyldanady.

Kórsetilgen merzim aralyǵynda qujattaryn tapsyrmaǵan týrıstik fırmalardyń usynystary qaralmaıdy.

Týyndaǵan suraqtar boıynsha atalǵan poshtaǵa jáne QMDB Qajylyq bólimine 87714770717 tel. arqyly habarlasýǵa bolady.

QMDB Qazaqstan úshin qajylyq oryndaryn Saýdııa tarapynan alýdy atalǵan konkrýstyń qorytyndylaryn nazarǵa alyp júzege asyrady.

QMDB Qajylyq bólimi