Qajylyq saparyna qatysty baspasóz brıfıngi ótti (FOTO)

18 shіlde 2019 4773 0
Оqý rejımi

Búgin Nur-Sultan qalasyndaǵy Ortalyq kommýnıkatsııa qyzmetinde qajylyq maýsymyna oraı baspasóz brıfıngi bolyp ótti. Baspasóz májilisine QR Din isteri jáne azamattyq qoǵam mınıstrliginiń Din isteri komıtetiniń tóraǵasy Erjan Núkejanov, QMDB tóraǵasynyń birinshi orynbasary, naıb múftı Naýryzbaı qajy Taǵanuly jáne respýblıkalyq «Áziret Sultan» meshitiniń ustazy Maqsatbek Qaıyrǵalıev qatysyp, qajylyq saparyna elimizdegi daıyndyq jaıy, qajylar sany men kórsetiler qyzmettiń sapasy, qaýipsizdik máseleleri sekildi irgeli taqyryptar boıynsha tilshiler qaýymyna tolyqtaı maǵlumat berdi.

Brıfıng barysynda belgili bolǵandaı, bıylǵy jyly elimiz boıynsha 3 200 jan qajylyq paryzyn óteıtin bolmaq. Qazirgi ýaqytta olardyń barlyǵy qajetti rásimdeýden ótip, medıtsınalyq ekpeden ektirip, ulyq saparǵa saqadaı-saı kórinedi. Al, jerlesterimizdiń qasıetti mekendegi saparlaryn QMDB Qajylyq mıssııa toby qadaǵalaıtyn bolmaq. Top quramyndaǵy arnaıy ýaǵyzshy ımamdar toby ár rásimniń tarıhy men taǵylymyn túsindirip, sapardyń saýapty ótýine septigin tıgizetin bolmaq. Sondaı-aq, mıssııa quramyna joǵary sanatty dárigerler men qajylyq maýsymy kezinde qasıetti mekennen arnaıy habar taratyp otyratyn tilshiler de tirkelgen.  

Otandyq «SCAT» jáne sheteldik «FLYNAS» kompanııalary arqyly elimizdiń tórt qalasynan tikeleı reıspen ushatyn otandastarymyzdyń aldy 30-shilde kúni attanyp, elge 23-tamyz kúni oralatyn bolmaq.

Qajylyq saparyna qatysty joǵaryda aıtylǵan málimetter bólek, ulyq ǵıbadattyń hıkmeti men qyr-syry, talaptary jaıly da keńinen aqparat aıtylyp, sharıǵı sheshimderi kórsetildi. Kezdesý sońynda tilshiler qaýymy ózderin tolǵandyrǵan saýaldaryn qoıyp, tushymdy jaýaptarmen jalǵasty.

Sýretterdi «FOTOGALEREIa» aıdarynan kóre alasyzdar!

 

Pіkіrler Kіrý