QMDB: AQPARAT SALASYNDAǴY JUMYSTAR TALQYLANDY

Búgin Qazaqstan musylmandary dinı basqarmasynyń ortalyq Apparatynda Aqparat bólimi jáne múftııattyń tól telearnasy «Munara TV» jumysy men josparyn talqylaý jóninde jıyn ótti.

QMDB Tóraǵasynyń orynbasary, naıb múftı Ershat Aǵybaıulynyń jetekshiligimen ótken basqosýǵa Aqparat bólimi men «Munara TV» qyzmetkerleri men óńirlerdegi jaýapty ókilderi qatysty. Arnanyń bıylǵy birinshi toqsandaǵy jumysy qorytyndylanyp, naıb múftı Ershat Aǵybaıuly dinı-rýhanı baǵyttaǵy jalǵyz telearnanyń asa mańyzdy joba ekenine toqtaldy. Sondaı-aq, Aqparat bóliminiń meńgerýshisi Aǵabek Qonarbaıuly men «Munara TV» dırektory Erkin Shákiruly atqarylǵan jobalar jáne aldaǵy josparlardy baıandady. Al arnanyń keńesshisi Nurjan Talasuly shyǵarmashylyq kontentterge qatysty usynystaryn bólisti.

Odan bólek, aqparat salasyna jaýapty óńirlerdegi ókilder ózderiniń usynys-pikirlerin ortaǵa salyp, dinı telearna jumysyn jetildirý boıynsha naqty nusqamalarmen tanysty. Sonymen qatar, jıynda aımaqtardaǵy stýdııalarǵa qajetti qural-jabdyqtar jóninde aıtylyp, sheshilýi tıis máseleler talqylandy.

​