QMDB: Astanada IV Halyqaralyq ǵylymı-teologııalyq konferentsııa ótedi (FOTO)

20 февраль 2019 234 0
Оqý rejımi

Qazaqstan jáne Reseı musylmandary dinı basqarmalarynyń uıymdastyrýymen Astana qalasynda 2019 jyldyń 11 sáýirinde «Rýhanı Jibek joly. Islam jáne jastar: qazirgi zaman syn-qaterleri aldynda» atty IV halyqaralyq ǵylymı-teologııalyq konferetsııa ótedi.

Astanada Qazaqstan musylmandary dinı basqarmasynyń ǵımaratynda halyqaralyq deńgeıdegi aıtýly is-sharanyń uıymdastyrý-úılestirý jumystaryna arnalǵan alqaly jıyn ótti. Alqaly jıynǵa Qazaqstan musylmandary dinı basqarmasy tóraǵasynyń Birinshi orynbasary, «Áziret Sultan» meshitiniń Bas ımamy Naýryzbaı qajy Taǵanuly, Reseı múftıler keńesi tóraǵasynyń birinshi orynbasary Rýshan Abbıasov, sonymen qatar QMDB bólim meńgerýshileri men qyzmetkerleri qatysty.

Basqosýda konferentsııanyń taqyrybyna oraı jasalatyn baıandamalardyń mazmuny, qabyldanatyn Qarar men Úndeýdiń baǵyt-baǵdary, jalpy uıymdastyrý-úılestirý sharalaryna qatysty máseleler sóz boldy.

Halyqaralyq jıynǵa Eýrazııa elderiniń Bas múftıleri, musylman memleketteriniń dinı kóshbasshylary, ıslamdyq uıymdardyń jetekshileri, teolog-ǵalymdar, din qaıratkerleri qatysady dep kútilýde.

2019 – «Jastar jyly» qarsańynda ótetin konferentsııa barysynda jas jetkinshekterdi qazirgi syn-qaterlerden saqtaý, teris aǵymdardyń arbaýynan qutqarý, dinı Ekstermızmdi aldyn alý, jas býyn ókilderin ǵylymǵa baýlý, óskeleń urpaqty musylmandyq pen adamgershilikke jat áreketterden alys bolýǵa úndeý, t.b. máseleler talqylanbaq.

Aıta keteıik, ótken jyldyń mamyr aıynda Qazaqstan musylmandary dinı basqarmasynyń tóraǵasy Serikbaı qajy Orazdyń Reseı Federatsııasyna jasaǵan resmı sapary barysynda «Rýhanı Jibek joly» atty halyqaralyq konferentsııa ótkizý týraly kelisim jasalǵan. Reseı múftıler keńesiniń tóraǵasy Ravıl haziret Gaınýtdın Serikbaı qajy Orazdyń bul usynysyn qoldap, oń pikirin bildirgen bolatyn.
 

 

Pіkіrler Kіrý