QMDB: Batyrjan Mansurov – bólim basshysy (FOTO)

Bas múftı Serikbaı qajy Orazdyń buıryǵymen Batyrjan Mansurov QMDB «Nasıhat jáne qoǵammen baılanys» bóliminiń meńgerýshisi bolyp taǵaıyndaldy.

«Mansurov Batyrjan Berdenuly Atyraý oblysy boıynsha ókil ımam jáne Atyraý oblystyq ortalyq «Imanǵalı» meshitiniń bas ımamy qyzmetterinen bosatylyp, «Qazaqstan musylmandary dinı basqarmasy» Respýblıkalyq ıslamı dinı birlestigine «Nasıhat jáne qoǵammen baılanys» bóliminiń meńgerýshisi bolyp taǵaıyndalsyn», – delingen buıryq mátininde.

Búgin QMDB Ortalyq apparatynyń kezekti májilisinde Serikbaı qajy Satybaldyuly Batyrjan Berdenulyn múftııat ujymyna tanystyryp, nasıhat jumysyna qatysty birqatar máselelerdi atap ótti.

Májiliste sóz alǵan Birinshi naıb múftı Naýryzbaı qajy Taǵanuly Bas múftıdiń bul sheshimi QMDB qyzmetine, onyń ishinde qoǵammen baılanys, aǵartý jumystaryna serpin beretinin tilge tıek etti.

Batyrjan Berdenuly Mansurov

1995-2000 jyldary Halyqaralyq Qazaq-Arab (qazirgi Otyrar atyndaǵy ýnıversıtet) ýnıversıtetiniń «Qazaq tili jáne ádebıeti jáne arab tili» mamandyǵy boıynsha oqydy.

1996-1997 jyldary Túrkııa Respýblıkasy, Stambul qalasynda «Iassaýı» atyndaǵy Quran kýrsynda bilimin jetildirip qaıtty.

2000-2003 jyldar aralyǵynda joǵarydaǵy ýnıversıtettiń «Arab tili jáne dintaný» fakýltetinde praktıkalyq qazaq tili páni men arab tiliniń morfologııasy boıynsha oqytýshylyq qyzmet atqardy.

2003-2005 jyldar aralyǵynda Abylaı han atyndaǵy Qazaq halyqaralyq qatynastar jáne álem tilderi ýnıversıtetin arab tili, fılologııa mamandyǵy boıynsha magıstr biliktiligi men akademııalyq dárejesin tolyq aıaqtady.

2005-2006 jyldary osy ýnıversıtette arab tili páni boıynsha oqytýshylyq qyzmet atqardy.

2006 jyly Mysyr Arab Respýblıkasynyń Kaır qalasynda arab tili boıynsha til damytý kýrsynda bilimin jetildirip qaıtty.

2006-2011 jyldar aralyǵynda rýhanı-tanymdyq, dinı, tarıhı-mádenı «Rahmet Samaly» jýrnalynda bas redaktor jáne «Hıkmet» JShS baspa úıiniń dırektory qyzmetin atqardy.

2010-2013 jyldar aralyǵynda ál-Farabı atyndaǵy Qazaq ulttyq ýnıversıtetiniń «fılologııa» fakýltetiniń doktorantýrasynda oqyp, RhD doktory ǵylymı ataǵyn aldy.

2012 jyldyń mamyr aıynan bastap QMDB-nyń buıryǵymen Almaty qalasy «Taýgúl-3» meshitinde naıb ımam jáne Almaty oblysy Shamalǵan medresesine qarasty Talǵar aýdany «Murat Tórequl» atyndaǵy qarılar daıyndaıtyn daıyndyq bóliminde dırektor bolyp jumys istedi.

Birneshe memlekettik jáne uıymdyq marapattar men alǵys hattarǵa ıe. Dinı tórt kitaptyń avtory. Júzge tarta dinı-rýhanı maqalary jaryqqa shyqqan.

2013 jyldyń qarasha aıynan bastap kúni búginge deıin 6 jyl boıy Bas múftıdiń QMDB-Atyraý oblysy boıynsha ókili jáne Atyraý oblystyq «Imanǵalı» ortalyq meshitiniń bas ımamy qyzmetin abyroımen atqardy.

Batyrjan Berdenuly Mansurov sonymen qatar QMDB janyndaǵy Ǵulamalar keńesiniń múshesi bolyp sanalady.

Otbasyly, 4 balanyń ákesi.