QMDB DELEGATsIIaSY PREZIDENTTIK ORTALYQTAǴY MURAJAIDYŃ JUMYSYMEN TANYSTY

Astana qalasynda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly bastaǵan QMDB delegatsııasy Qazaqstan Respýblıkasy Prezıdenttik ortalyǵy ǵımaratynda ornalasqan murajaıdyń jumysymen tanysty.

Is-shara barysynda delegatsııa múshelerine Prezıdenttik ortalyqtyń negizgi qyzmet baǵyttary, tarıhı-mádenı mańyzy zor jádigerler qory, sondaı-aq el tarıhyn aıshyqtaıtyn qujattar men Ekspozıtsııalar keńinen tanystyryldy. Murajaı qyzmetkerleri Qazaqstannyń táýelsizdik jyldaryndaǵy jetistikteri, memlekettik basqarý júıesiniń qalyptasýy jáne el damýynyń negizgi kezeńderi týraly jan-jaqty aqparat berdi.

Bas múftı bastaǵan delegatsııa murajaıdaǵy sırek kezdesetin tarıhı qujattarmen, arhıvtik materıaldarmen jáne zamanaýı mýltımedııalyq kórmelermen tanysyp, olardyń mazmuny men taǵylymdyq mánine joǵary baǵa berdi. Sonymen qatar, ulttyq qundylyqtardy dáripteý, tarıhı sanany qalyptastyrý baǵytyndaǵy mundaı mádenı oshaqtardyń qoǵam úshin mańyzy erekshe ekeni atap ótildi.






​