QMDB: is basqarýshynyń esebi tyńdaldy (FOTO)
Búgin elordada Bas múftı Naýryzbaı qajy Taǵanulynyń tóraǵalyǵymen kezekti Apparat jınalysy ótti. Jınalysqa naıb múftı Ershat qajy Aǵybaıuly, Apparat basshysy Ǵylymbek Jádigeruly men bólim meńgerýshileri qatysty.
Májiliste QMDB Is basqarýshysy Erbosyn Oryn úsh baǵyt (meshitterdiń sharýashylyq jumystaryn qadaǵalaý, qulshylyq úıleriniń aýlasyn abattandyrý, qurylysyn baqylaý jáne meshit múlkin baqylaý) boıynsha atqarylǵan is-sharalar týraly esep berdi.
«Biz qyzmet barysynda «Aǵash – jer sáýleti», «30 jyldyq mereıtoıǵa 30 myń aǵash otyrǵyzý», «Kórikti meshit» syndy birqatar ıgi jobalardy júzege asyrdyq. Ótken jyly elimiz boıynsha 37 428 aǵash otyrǵyzyldy. Sanıtarlyq talaptardy saqtaý maqsatynda 1908 meshitti arnaıy medıtsınalyq quraldarmen qamtamasyz ettik. 316 meshitke kúrdeli jóndeý jumystaryn júrgizdik» dep atap ótti QMDB Is basqarýshysy Erbosyn Oryn.
Jınalysta Bas múftı Is basqarýshynyń jumysy jaıly oń pikirin bildirip, ıgi nıetin jetkizdi.
