QMDB ÓKILDERI MYSYRDAǴY HALYQARALYQ KONFERENTsIIaǴA QATYSTY
2026 jylǵy 2–3 qyrkúıek kúnderi Mysyr Arab Respýblıkasynyń Prezıdenti Ábdel Fattah as-Sısıdiń qamqorlyǵymen jáne Mysyr Pátýa úıiniń uıymdastyrýymen Kaır qalasynda «Iri ózgerister jaǵdaıyndaǵy otbasy syn-qaterleri: otbasyn qorǵaý, onyń bolashaǵyn boljaý jáne biregeıligin saqtaý» taqyrybynda 11-shi Halyqaralyq konferentsııa ótti.
Halyqaralyq jıynǵa QMDB Tóraǵasy, Bas múftı Naýryzbaı qajy Taǵanulynyń tapsyrmasymen Naıb múftı Ermek Muqataı, Halyqaralyq baılanystar bóliminiń meńgerýshisi Syrym Qurmash jáne Mysyrdaǵy qazaq stýdentteriniń «Talaba» qaýymdastyǵynyń tóraǵasy Rýslan Serǵazıev qatysty.
Konferentsııa jumysyna birqatar elderden dinı qaıratkerler, ǵalymdar, sarapshylar jáne qoǵam ókilderi qatysyp, qazirgi kezeńdegi otbasy ınstıtýtynyń ózekti máselelerin talqylady. Basqosýda jahandaný, tehnologııalyq damý, áleýmettik ózgerister men mádenı úderisterdiń otbasy qundylyqtaryna yqpaly keńinen sóz boldy.
Sondaı-aq otbasyn saqtaý, erli-zaıyptylar arasyndaǵy ózara jaýapkershilikti arttyrý, ata-ana men bala arasyndaǵy baılanysty nyǵaıtý, jastar tárbıesi, ulttyq jáne dinı qundylyqtardy keıingi urpaqqa jetkizý máselelerine erekshe nazar aýdaryldy.
Qazaqstandyq delegatsııanyń halyqaralyq konferentsııaǵa qatysýy otandyq dinı uıymdardyń halyqaralyq dinı-aǵartýshylyq jáne sarapshylyq ortadaǵy baılanystaryn nyǵaıtyp, ózara tájirıbe almasýǵa múmkindik berdi.
