QMDB ÓKILI JASTAR UIYMDARYMEN ÓTKEN KEZDESÝGE QATYSTY
Búgin Astanadaǵy Prezıdent ortalyǵy ǵımaratynda Memlekettik keńesshi Erlan Qarın jastar uıymdarynyń jetekshilerimen kezdesti. Jıynǵa Qazaqstan musylmandary dinı basqarmasynyń Jastar isi sektorynyń meńgerýshisi Baǵyjan Kúzekbaı qatysty.
Kezdesý barysynda Memleket basshysynyń tapsyrmasyna sáıkes nashaqorlyqpen kúres, jastardyń rýhanı-adamgershilik tárbıesi jáne eriktiler qozǵalysyn damytý syndy ózekti máseleler talqylandy. Memlekettik keńesshi jastar uıymdarynyń osy baǵyttarda belsendilik tanytýy mańyzdy ekenin atap ótti.
Aıta keteıik, jyl basynda Bas múftı Naýryzbaı qajy Taǵanuly óz baıandamasynda jastar tárbıesi máselesine aıryqsha nazar aýdaryp, «Jastardyń ádebi men mádenıeti» qujatyn qabyldaýdyń mańyzdylyǵyna toqtalǵan bolatyn. Atalǵan qujat jastardy jat qylyqtar men beıádep áreketterden saqtandyratyn, rýhanı baǵdar bolýǵa baǵyttalǵan mańyzdy qujat retinde usynylǵan.
