QMDB: Qurbandyq eti 30 715 otbasyǵa jetkizildi (FOTO)

01 tamyz 2020 3701 0
Оqý rejımi

Qazaqstan musylmandary dinı basqarmasy 31 shilde, ıaǵnı qasıetti Qurban aıttyń birinshi kúninde elimiz boıynsha qurban shalý rásimine qatysty uıymdastyrý-úılestirý jumystary joǵary deńgeıde ótkenin habarlaıdy. Úılestirý jumystaryna bekitilgen azamattar arasynda sanıtarlyq talaptardyń saqtalýy qatań qadaǵalandy.   

WWW.QURBAN2020.KZ jobasyn júzege asyrý maqsatynda arnaıy qurylǵan jumys toby kúsheıtilgen rejımde qyzmet etti. Nátıjesinde jumystyń basym bóligi oryndaldy. Atap aıtqanda, qurban shalýǵa tapsyrys berýshilerdiń ótinishterin 13 ókildik tolyq oryndady. Qalǵan 6 ókildik (Nur-Sultan qalasy, Almaty qalasy men Aqtóbe, Atyraý, Qyzylorda, Qostanaı oblysy) jumysyn júıeli túrde jalǵastyrýda. Atqarylǵan is-sharalardyń foto, vıdeo esebi tapsyrys berýshilerge der kezinde joldanýda.

Qazaqstan musylmandary dinı basqarmasy qazirgi ýaqytqa deıin 30 715 otbasyǵa qurbandyq etin jetkizdi. Sonymen qatar, qurbandyq eti qarttar, jetimder, balalar úıleri men aýrýhanalarǵa taratyldy. Merekelik qýanyshqa bólengen jandar alǵystaryn aıtyp, rızashylyq sezimderin bildirýde. Sondaı-aq, WWW.QURBAN2020.KZ qaıyrymdylyq jobasy aıasynda qurban shalýǵa tapsyrys bergen azamattar tarapynan da telefon, áleýmettik jeli, ýatsap arqyly oń pikirler kelip túsýde.  

Qurban aıttaǵy qaıyrymdylyq sharalar boıynsha 7 143 muqtaj janǵa et taratqan Jambyl oblysy kósh bastap tur. Al QMDB-nyń Almaty aımaǵy boıynsha ókildigi 4 182 otbasyǵa merekelik qýanysh syılady. Taldyqorǵan aımaǵy 2 789 muqtaj janǵa qurbandyq etin úlestirdi. Sondaı-aq Qaraǵandy oblysy 2 191, Shyǵys Qazaqstan oblysy 2 071, Pavlodar oblysy 1 910, Nur-Sultan qalasy 1 421, Túrkistan oblysy 1 406, Almaty qalasy 1 120 otbasyn qamtydy.    

Osy rette Qazaqstan musylmandary dinı basqarmasynyń qaıyrymdylyq baǵytta qolǵa alǵan www.qurban2020.kz jobasyna belsendi túrde atsalysyp, muqtajdyń muńyn bólisip, saýapqa úles qosqan barsha azamatqa, sondaı-aq jekelegen kásiporyndar men uıymdardyń basshylaryna aıryqsha alǵys aıtamyz.

Alla Taǵala jasaǵan qaıyrymdylyqtyń qaıyryn ózderińizge eselep qaıtarsyn dep tileımiz.

Pіkіrler Kіrý