QMDB qyzmetkerleri stýdentterge sheberlik sabaǵyn ótkizdi (FOTO)

QMDB Aqparat jáne qoǵammen baılanys bóliminiń meńgerýshi Aǵabek Qonarbaıuly men respýblıkalyq «Munara» gazetiniń bas redaktory Serikbol Hasan Nur-Múbarak ýnıversıtetiniń stýdentterine sheberlik sabaǵyn ótkizdi.

Aǵabek Qonarbaıuly  «Sheshendik óner: ádebi men ádisi» taqyrybynda qandaı ortada, qalaı sóıleý, kópshilik jıyndarda asyl sózdiń zaıa ketpesi úshin qandaı erekshelikterge mán berý qajettigin jiti túsindirdi. Bul bolashaq ıslamtanýshy, din qyzmetkerleri úshin óte mańyzdy talaptardyń biri ekeni daýsyz.

Serikbol Hasan feık aqparattardy anyqtaý, málimetterdiń naqtylyǵyn tekserýdiń mańyzy men ádis-tásilderine toqtaldy. Sebebi qazirgi ýaqytta eldiń sanasyn ýlaý maqsatynda feık aqparattar aǵyny áleýmettik jeliler men saıttarda jarııalanyp júrgeni belgili. Mundaı jalǵan aqparattar qarapaıym adamdardy shatastyryp, túrli teris oılar men áreketterge ıtermeleýi ábden múmkin. Sondyqtan kez-kelgen aqparattar men maǵlumattardy taratýǵa asyqpaı, jaqsylap tekserip alý kerektigin alǵa tartty.

Basqosý sońynda stýdentter QMDB mamandaryna suraq qoıyp, jaýap aldy.