QMDB: Ramazan aıyna oraı keńeıtilgen Tóralqa májilisi ótti (FOTO)
Búgin elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń keńeıtilgen Tóralqa májilisi ótti.
Alda kele jatqan Ramazan aıyna daıyndyqty pysyqtaý maqsatynda ótken májiliske naıb múftıler, Bas múftı keńesshileri, bólim basshylary jáne 19 ókildiktiń bas ımamy qatysty.
Jıynda QMDB Tóraǵasy, Bas múftı Naýryzbaı qajy Taǵanuly arnaıy baıandama jasap, ulyq aıda atqaratyn jumystardy júıelep, tyńǵylyqty daıyndyq jasap, orazanyń qadir-qasıetin jamaǵatqa kóbirek nasıhattaýǵa shaqyrdy.
Naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly pitir sadaqasy, zeket, pidııanyń bıylǵy mólsheri, Dinı bilim jáne kadr daıyndaý bóliminiń meńgerýshisi Smaıyl Seıtbekov Quran hatym oqý toptaryn bekitý, qarılardy meshitterge bólý, Ýaǵyz-nasıhat bóliminiń meńgerýshisi Batyrjan Mansurov Ramazan aıynda onlaın jáne oflaın dárister, ýaǵyz-nasıhattar jáne taraýyq namazyn ótkizý jaıly baıandama jasady.
Aqparat jáne qoǵammen baılanys bóliminiń meńgerýshisi Aǵabek Qonarbaıuly Ramazan aıynda dárister, suhbattar, tikeleı Efırler uıymdastyryp, BAQ betterinde ulyq aıdyń nasıhatyn kúsheıtý, Aqparat jáne qoǵammen baılanys bólimi meńgerýshisiniń orynbasary Nurbek Esmaǵanbet Aqsaqaldar keńesiniń aldaǵy jumysyn ilgeriletý, «Zeket jáne qaıyrymdylyq» qorynyń dırektory Qanat Qydyrmın Ramazanda atqarylatyn qaıyrymdylyq sharalary, Qajylyq bóliminiń meńgerýshisi Jándillá Bekjigitov meshitterge ataý berý jáne kishi qajylyq jumystarynyń jaı-japsary, «MUNARA TV» telearnasynyń dırektory Nurjan Darqulov Ramazan aıynda kórermender kóńilinen shyǵatyn baǵdarlamalar uıymdastyrý jaıly baıandasa, QMDB Apparat basshysy Ǵylymbek Majıev Ramazan aıynda oblystardaǵy ókildikterde atqarylatyn is-sharalardyń negizgi josparyn tanystyrdy.
