QMDB: RAMAZANNYŃ ALǴAShQY ON KÚNINDE AQPARATTYQ JUMYSTAR JÚIELI JÚRGIZILDI
Astanada Bas múftı Naýryzbaı qajy Taǵanulynyń tóraǵalyǵymen ótken Qazaqstan musylmandary dinı basqarmasynyń Tóralqa májilisinde Aqparat jáne qoǵammen baılanys bóliminiń meńgerýshisi Nursultan Sábıtuly Ramazan aıynyń alǵashqy on kúninde atqarylǵan jumystardy tanystyrdy.
«Esepti kezeńde muftiyat.kz resmı saıtynda 60-tan astam jańalyq jarııalanyp, materıaldardyń jalpy qaralymy 500 myńnan asty. Sonymen qatar Ramazan aıynyń máni men mańyzyna qatysty 25-ke jýyq tanymdyq maqalalar jaryq kórdi.
Áleýmettik jelilerde Ramazan aıyna arnalǵan tanymdyq jáne rýhanı baǵyttaǵy kontentter turaqty túrde jarııalanyp, beınematerıaldar men jazbalar mıllıondaǵan aýdıtorııaǵa jetti. Sharıǵat jáne pátýa bóliminiń mamandarynyń qatysýymen tikeleı Efırler uıymdastyrylyp, jamaǵattyń saýaldaryna jaýap berildi.
Sondaı-aq Instagram jáne TikTok platformalarynda kún saıyn sáresi ýaqytynda suraq-jaýap formatyndaǵy tikeleı Efırler ótkizilip, túski ýaqytta saǵat 13:00–14:00 aralyǵynda Quran hatym onlaın túrde oqylýda.
Halyqqa paıdaly aqparat usyný maqsatynda «Meniń alǵashqy orazam», «Meniń alǵashqy taraýyq namazym» atty arnaıy aıdarlar jarııalanyp, Halal damý mekemesimen birlesip iri qalalardaǵy halal sertıfıkaty bar dámhanalardyń tizimi usynyldy.
Óńirlik ókildikterde de Ramazan aıyna baılanysty aqparattyq-nasıhat jumystary turaqty túrde júrgizilip, tanymdyq materıaldar men onlaın jobalar jamaǵatqa usynylýda.
Nur-Múbárak meshiti jáne Almaty qalalyq ókildigimen birlese otyryp Ramazan aıyna arnalǵan 15 serııadan turatyn arnaıy ınsta-serıal jobasy iske qosyldy. Joba aıasynda jańa serııalar áleýmettik jelide turaqty túrde jarııalanyp, rýhanı mazmundaǵy qysqa oqıǵalar kórermen nazaryna usynylýda.
Sonymen qatar buqaralyq aqparat quraldarymen belsendi jumys júrgizilip keledi. Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń qasıetti Ramazan aıymen quttyqtaýy BAQ arqyly keńinen jarııalandy. Budan bólek, Táýelsizdiktiń 35 jyldyǵyna oraı uıymdastyrylǵan «Ramazan syıy» qaıyrymdylyq marafony da aqparat quraldary arqyly nasıhattalýda.
Aldaǵy ýaqytta da Qazaqstan musylmandary dinı basqarmasynyń resmı aqparattyq resýrstarynda Ramazan aıyna arnalǵan jobalar men aqparattyq jumystar jalǵasyn tabady», – dedi bólim meńgerýshisi Nursultan Sábıtuly.
