QMDB: RESPÝBLIKA KÚNINE ORAI II HALYQARALYQ QURAN JARYSY ÓTEDI
Qazaqstan musylmandary dinı basqarmasynyń uıymdastyrýymen 2025 jyldyń 14-16 qazan kúnderi Astana qalasynda ulttyq merekemiz – Respýblıka kúnine jáne QMDB-nyń 35 jyldyq mereıtoıyna oraı II halyqaralyq Quran jarysy ótedi.
Respýblıkalyq bas meshitte ótetin saıysqa Qazaqstan Respýblıkasy, Saýd Arabııasy Koroldigi, Ázirbaıjan, Birikken Arab Ámirlikteri, Indonezııa, Qyrǵyzstan, Mysyr Arab Respýblıkasy, Marokko Koroldigi, Ózbekstan, Reseı Federatsııasy, Tatarstan, Tájikstan, Túrkııa, Túrkmenstan, Malaızııa, Bahreın, Sheshen Respýblıkasy, Iran, Iordanııa, Palestına, Pákistan, AQSh, Germanııa elderiniń qarılary qatysady dep kútilýde. Qatysýshylar Qurandy tolyq jatqa oqýdan baq synaıdy.
Halyqaralyq jarysqa Qazaqstan, Túrkııa, Mysyr, Birikken Arab Ámirlikteri, Qyrǵyzstannan shaqyrylǵan álemge tanymal, tájirıbeli qarılar tórelik etedi.
Eki kúnge jalǵasatyn halyqaralyq Quran jarysyn múftııattyń tól arnasy «Munara TV», «Mýftııat QMDB» YouTube arnasy jáne QMDB-nyń resmı áleýmettik jelidegi paraqshalarynan tikeleı Efırde tamashalaýǵa bolady.
Aıta keteıik, 2023 jyly elimizde alǵash ret uıymdastyrylǵan halyqaralyq Quran jarysynda marokkolyq qarı Ilıas Hajrı úzdik shyǵyp, jeńimpaz atanǵan bolatyn.
Ótetin orny: Astana qalasyndaǵy Respýblıkalyq bas meshit.
Bastalýy: 15 qazan 2025 jyl, saǵat 10:00.
Elimizdegi barsha musylman qaýymyn halyqaralyq deńgeıde ótetin Quran jarysyn tamashalaýǵa shaqyramyz!
