QMDB TÓRAǴASY «ABYLAI HAN REZIDENTsIIaSYN» ARALADY (FOTO)

Búgin QMDB Tóraǵasy, Bas múftı Naýryzbaı qajy Taǵanuly Soltústik Qazaqstan oblysynyń ákimi Aıdarbek Saparovpen birge Petropavl qalasyndaǵy «Abylaı han rezıdentsııasyn» aralap, tarıhı jádigerlermen tanysty.

Ortalyq qyzmetkeri eń aldymen tarıhı keshendegi tórt zaldy jeke-jeke tanystyryp, 1765 jyly salynyp, keıin kúrdeli jóndeýden ótken ǵımarattaǵy qundy jádigerlerge toqtalyp ótti. Kóp jyldar boıy qaraýsyz qalyp, tozyǵy jetken nysan 2008 jyly qaıta ashylyp, el ıgiligine berilgen.

Aq úıdiń aldynda músinshi Qazybek Satybaldınniń qoladan quıylǵan «At ústindegi Abylaı han» eskertkishi bar. Ǵımarat eki qabattan turady. Resmı ataýy – «Abylaı han rezıdentsııasy». Tarıhı mańyzy bar rezıdentsııada Abylaıhannyń ómirge kelgen kúninen bastap handyq qurýy, jaýgershilik kezeń, batyrlyǵy, el bıleýi jáne ómiriniń sońǵy sátterinen jetken derekter kórsetilgen.

Bas múftı nysandy aralap, tanysqan soń mýzeı qyzmetkerlerine alǵysyn bildirip, tilek kitabyna qoltańba qaldyrdy.

​