QMDB TÓRAǴASY ALI ERBAShPEN KEZDESTI (FOTO)
Búgin QMDB Tóraǵasy Naýryzbaı qajy Taǵanuly Ankara qalasynda Túrkııa Din isteri basqarmasynyń tóraǵasy, professor Alı Erbashpen kezdesti. Bas múftı Qazaqstan musylmandary atynan Túrkııada bolǵan joıqyn jer silkinisine oraı Túrkııa eliniń dinbasyna kóńil aıtty.
«Túrkııa topyraǵynda bolǵan apatty jaǵdaıdy barsha Qazaq eli, Qazaqstan musylmandary qabyrǵasy qaıysyp qabyldady. Tabıǵı apattan qanshama baýyrlarymyz qaza tapty. Alla Taǵaladan Túrkııa halqyna kórkem sabyr tileımin! Ótken juma namazynda elimizdiń barlyq meshitterinde Túrkııadaǵy zilzala saldarynan qaıtys bolǵan jandarǵa duǵa jasaldy. Osyndaı aýyr sátte qazaq halqy baýyrlas túrik halqyna óz kómegin kórsetýde. Qazaqstan musylmandary dinı basqarmasynyń "Zeket jáne qaıyrymdylyq" qorynyń uıymdastyrýymen Túrkııadaǵy apat bolǵan aımaqtarǵa Qazaqstan turǵyndarynan jınalǵan 100 130 000 (júz mıllıon bir júz otyz myń) teńge qarjynyń Qazaqstan Respýblıkasyndaǵy Túrkııa elshiligine berildi» dep atap ótti Naýryzbaı qajy Taǵanuly.
Bas múftı Naýryzbaı qajy Taǵanuly Túrkııa bas múftıi Alı Erbashqa kóńil aıtý arqyly Túrkııa turǵyndaryna Qazaqstan musylmandarynyń qoldaý nıetterin jetkizdi.
Túrkııa bas múftıi Alı Erbash óz kezeginde qazaq halqyna degen iltıpatyn bildirip, osyndaı qıyn sátte yntymaqtastyq tanytyp, qoldaý kórsetken barsha qazaq baýyrlarǵa alǵys aıtty. «Bizdiń qaıǵymyzdy bólisip, arnaıy kelip otyrǵanyńyz úshin alǵysymdy bildiremin. Túrkııanyń 10 qalasynda bolǵan zilzala ǵasyr apaty boldy. Osyndaı qıynshylyqtardan eki el arasyndaǵy dostyq baılanystar jáne qoldaýlar arqyly shyǵatyndyǵymyzǵa senemin» dedi Alı Erbash.
