QMDB TÓRAǴASY AQTÓBE OBLYSYNYŃ IMAMDARYNA NASIHAT AITTY

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Aqtóbe oblysyna barǵan saparynda óńir ımamdarymen kezdesip, nasıhat aıtty.

«Ózderińiz jaqsy bilesizder, bıyl Qazaqstan musylmandary dinı basqarmasy úshin rýhanı turǵydan mańyzdy jyl. Biz qoǵamdaǵy adaldyq, ádilet, jaýapkershilik, eńbekqorlyq syndy qundylyqtardy nasıhattaý úshin dinı salada 2026 jyldy «Islam jáne adal qoǵam» jyly dep jarııaladyq. Bul ıgi bastamany barshamyz aýyzbirshilikpen yjdaǵatty túrde júzege asyrýǵa tıispiz. Paıǵambarymyzdyń (oǵan Allanyń salaýaty men sálemi bolsyn): «Senderdiń árqaısylaryń baqtashysyńdar jáne árqaısylaryń óz qaramaǵyńdaǵylar úshin jaýap beresińder», – degen hadısin jaqsy bilesizder. Bul hadıs ımamnyń ózine qatysty jaýapkershilikti tereń sezinýge úndeıdi. Sondyqtan ózimizge júktelgen mindetti yqylaspen atqarýǵa tyrysaıyq» dedi Bas múftı Naýryzbaı qajy Taǵanuly.