QMDB TÓRAǴASY ǴALYMDARǴA ALǴYS BILDIRDI

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Aqtóbe oblysyna barǵan saparynda «Dosjan haziret taǵylymy jáne ulttyq rýhanııattyń sabaqtastyǵy» taqyrybynda ótken respýblıkalyq ǵylymı-tanymdyq konferentsııa barysynda óńirdegi birqatar ǵalymǵa alǵysyn bildirdi.

Konferentsııa jumysynan keıin Bas múftı Dosjan hazirettiń murasyn zerdelep, onyń ónegeli ómirin nasıhattap júrgen ǵalymdardy arnaıy Alǵys hatpen marapattady. 

«Qazaq dalasynda Islam dininiń taralýy men ulttyq rahýanııattyń qalyptasýyna ólsheýsiz úles qosqan ǵulama, aǵartýshy, el birliginiń uıytqysy bolǵan Dosjan Qashaquly (Dosjan haziret) murasyn zerdelep, onyń ónegeli ómiri men rýhanı qyzmetin keıingi urpaqqa jetkizý jolynda atqaryp júrgen eńbegińiz úshin Sizge shynaıy rızashylyǵymdy bildiremin» delingen Bas múftıdiń Alǵys hatynda.