QMDB TÓRAǴASY GORGANDAǴY BAS KONSÝLDYQTA BOLDY (FOTO)
QMDB Tóraǵasy Naýryzbaı qajy Taǵanuly Gorgan qalasyndaǵy Qazaqstannyń Bas konsýldyǵy ǵımaratynda bolyp, konsýl Erbol Ahmetovpen kezdesti.
Kezdesýde Erbol Abanuly Qazaqstannyń Mańǵystaý oblysy men Irannyń Gúlstan ýálaıaty arasynda ózara yntymaqtastyq, atap aıtqanda saýda-Ekonomıkalyq, mádenı, týrıstik qadamdar jasalǵany jaıly habardar etti. Elimizdiń shet elderdegi qandastarymyzǵa kórsetip otyrǵan qoldaýlary jóninde áńgimeledi.
Bas múftı Naýryzbaı qajy Taǵanuly Gorgandaǵy qandastarmen kezdesýdiń mańyzy, alystaǵy aǵaıyndarmen rýhanı baılanysty arttyrý máselesin ortaǵa saldy. «Shet elderdegi qandastarǵa qamqorlyq jasaý – bizdiń bastymindetimiz. Ózge elderdegi qazaqtyń din qyzmetkerlerine qajetti qoldaý kórsetip, dinı ádebıettermen qamtýymyz qajet» dep atap ótti.
Aıta keteıik, búginde Iranda 6 myńǵa jýyq qazaq turady. Iran qazaqtary munda 20-jyldardyń sońyndaǵy keńes bıliginiń qýǵyndaýy saldarynan qonys aýdarýǵa májbúr bolǵan edi.
