QMDB TÓRAǴASY I HALYQARALYQ ISLAM ÓRKENIETI FORÝMYNDA BAIaNDAMA JASADY
Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Ózbekstan Respýblıkasyna jumys sapary aıasynda Tashkent qalasynda ótken «Islam órkenıeti: beıbitshilik, tózimdilik jáne ǵylym-bilim joly» taqyrybyndaǵy I Halyqaralyq Islam órkenıeti forýmynda baıandama jasady.
Halyqaralyq forýmda sóz sóılegen Bas múftı ıslam órkenıetiniń adamzat tarıhyndaǵy orny men rýhanı-mádenı mańyzyna toqtalyp, beıbitshilik jáne ǵylym-bilimdi dáripteý – ıslam dininiń negizgi qundylyqtarynyń biri ekenin atap ótti.
Sonymen qatar Naýryzbaı qajy Taǵanuly qazirgi kezeńde dástúrli rýhanı qundylyqtardy nasıhattaý, dinı-aǵartýshylyq qyzmetti jetildirý, jastardyń rýhanı tárbıesin kúsheıtý jáne halyqaralyq ǵylymı-dinı yntymaqtastyqty damytý baǵytyndaǵy jumystardyń mańyzdylyǵyna erekshe nazar aýdardy.
Aıta keteıik, Qazaqstan musylmandary dinı basqarmasynyń delegatsııasy Ózbekstan Respýblıkasy Mınıstrler Kabıneti janyndaǵy Dinı ister jónindegi komıtet tóraǵasy Sodıq Toshbaev pen Ózbekstandaǵy Islam órkenıeti ortalyǵynyń dırektory Fırdavs Abdýhalıkovtyń shaqyrtýymen ótip jatqan halyqaralyq forým jumysyna qatysýda.
