QMDB TÓRAǴASY «MEKTEPKE JOL» QAIYRYMDYLYQ AKTsIIaSYNA QATYSTY
Búgin Qyzylordada Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń qatysýymen «Mektepke jol – 2026» qaıyrymdylyq sharasy ótti.
Is-shara barysynda Bas múftı oqýshylardy jańa oqý jylynyń bastalýymen quttyqtap, bilim men ǵylymnyń artyqshylyǵy jaıynda nasıhat aıtyp, balalardy ǵylym men bilimdi jetik meńgergen izdenimpaz shákirt bolýǵa shaqyrdy.
«Qazaqstan musylmandary dinı basqarmasy «Zeket jáne qaıyrymdylyq» qorynyń uıytqy bolýymen jyl saıyn jańa oqý jyly qarsańynda elimizdiń barlyq óńirlerinde qaıyrymdylyq aktsııalary uıymdastyrylyp, bilim izdegen jas jetkinshekterimizge meshit tarapynan qamqorlyq-qoldaý kórsetilip keledi. Bul – qaıyrymdylyq pen meıirimdiliktiń jarqyn kórinisi.
Bilim alý – uzaq sapar. Bul saparda tabandylyq, sabyr, tártip jáne jaýapkershilik kerek. Muǵalimderińizge qurmetpen qarap, ata-analaryńyzdyń úmitin aqtaýǵa tyrysyńyzdar. Ýaqytty bosqa ótkizbeı, ár kúnińdi paıdaly iske arnańdar. Sonymen qatar, tárbıeli, kishipeıil, adal, ádil bolyńdar. Óıtkeni shynaıy bilim – adamdy jaqsy minezge jeteleıdi. Ustazdaryń men úlkenderdiń batasyn alyp, árqashan duǵamen júrińder», - dedi Naýryzbaı qajy Taǵanuly.
