QMDB TÓRAǴASY «ÓMIRGE ÚMIT SYILA» AKTsIIaSYNA QATYSTY
Qazaqstan musylmandary dinı basqarmasynyń Tóraǵasy, Bas múftı Naýryzbaı Qajy Taǵanuly Mańǵystaý oblysyna jasaǵan jumys sapary barysynda óńirdegi meshit qyzmetkerlerine qasıetti Ramazan aıyna oraı arnaıy syı-sııapat tabystady.
Bas múftı din qyzmetkerleriniń el ishindegi rýhanı turaqtylyqty nyǵaıtý jolyndaǵy eńbegin erekshe atap ótip, olardyń qyzmetine bereke tiledi. Ramazan syıy – saýapty aıda halyqqa qyzmet etip júrgen ımamdar men meshit mamandaryna kórsetilgen qurmettiń belgisi ekeni aıtyldy.
Sondaı-aq sapar aıasynda «Zeket jáne qaıyrymdylyq» qory uıymdastyrǵan «Ómirge úmit syıla» aktsııasyna qatysyp, densaýlyǵyna baılanysty emine kómek surap kelgen azamatqa 1 000 000 teńge kólemindegi sertıfıkatty tabystady.
Igi shara barysynda Bas múftı syrqat janǵa Alla Taǵaladan shıpa tilep, saýapty iske atsalysyp júrgen jandarǵa alǵysyn bildirdi. Mundaı qaıyrymdylyq bastamalar qoǵamdaǵy janashyrlyq pen birlikti arttyra túsetini erekshe atap ótildi.
