QMDB TÓRAǴASY QAJYLYQ KÓRMESINDE INNOVATsIIaLYQ JOBALARMEN TANYSTY
Djıdda qalasynda ótken «The 5th Edition of the Hajj Exhibition» halyqaralyq kórmesine Bas múftı Naýryzbaı qajy Taǵanuly bastaǵan Qazaqstan musylmandary dinı basqarmasynyń delegatsııasy qatysty. Bıylǵy kórme «Mekkeden Álemge» taqyrybymen uıymdastyrylyp, qajylyq salasyndaǵy sońǵy jetistikter men zamanaýı tehnologııalar tanystyryldy.
Aýqymdy shara aıasynda 18 salany qamtıtyn 270-ten astam qatysýshy óz ónimderi men qyzmetterin usyndy. Innovatsııalyq aımaqta 10-nan astam startap, 25 jasandy ıntellekt jobasy jáne 100-den astam kreatıvti ıdeıa usynyldy. Bul bastamalar qajylardyń saparyn jeńildetip, kórsetiletin qyzmet sapasyn arttyrýǵa baǵyttalǵan.
Sondaı-aq, is-shara baǵdarlamasynda «Qajylyq jáne eki qasıetti meshittiń tarıhy» forýmy men «Qos qasıetti meshitke qamqorlyqtyń 100 jyly» atty arnaıy Ekspozıtsııa uıymdastyryldy. Onda ıslam murasyn saqtaý isindegi sırek qujattar, fotosýretter men jádigerler qoıyldy.
QMDB Tóraǵasy kórme barysynda qajylyq ınfraqurylymyn jetildirýge qatysty zamanaýı sheshimdermen tanysyp, tájirıbe almasý jáne eki el arasyndaǵy seriktestik baǵyttaryn talqylady.
Источник: Aidos
