QMDB TÓRAǴASY RESMI SAPARMEN QATARǴA KELDI
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Qatar memleketine resmı saparmen baryp, Qatar Damý qorynyń basqarma tóraǵasy Sheıh Tánı bın Hamad bın Halıfa Ál-Tánı jáne Bas dırektor Fahd bın Hamad Ál-Sýleıtımen kezdesti.
Sapar barysynda Bas múftı Qazaqstanǵa kórsetken qoldaýy men dinı jobalardy damytýǵa qosqan úlesi úshin Qatar tarapyna alǵysyn bildirdi. Sondaı-aq, uzaq merzimdi qaıyrymdylyq isteri men halyqqa kórsetken erekshe qamqorlyǵy úshin rızashylyǵyn jetkizdi.
Qazaqstan musylmandary dinı basqarmasy tóraǵasy, Bas múftı Naýryzbaı qajy Taǵanuly Katar memleketi qoldaýymen salynǵan «Ál-Farabı meshiti» – Astananyń mańyzdy dinı oryndarynyń biri jáne eki el arasyndaǵy dostyq pen baýyrlastyqtyń sımvoly ekenin atap ótti.
Kezdesý sońynda Qatar Damý qorynyń basqarma tóraǵasy Sheıh Tánı bın Hamad bın Halıfa Ál-Tánı Bas múftı bastaǵan delegatsııaǵa sáttilik tilep, Qazaqstan men Qatar arasyndaǵy yntymaqtastyqty odan ári tereńdetýge daıyn ekenin jetkizdi.
