QMDB TÓRAǴASY TÚLKIBAS AÝDANYNDA JAŃA MEShITTIŃ QAZYǴYN QAQTY (FOTO)

Búgin Bas múftı Naýryzbaı qajy Taǵanuly Túrkistan oblysyna jasaǵan saparynda Túlkibas aýdanynda jańa meshittiń qazyǵyn qaqty.

Saltanatty izgi is-sharada QMDB Tóraǵasy: «Meshit – kúlli jaqsylyqtardyń toǵysqan meıirimdilik mekeni. Adam balasy meshitten rýhanı kúsh alyp qana qoımaı, bilim alady. Muqtaj janǵa kómektesip, onyń alǵysyna bólenedi. Osylaısha qoǵamda baýyrlastyq, meıirim syndy adamdyq qasıetter saltanat qurady. Alla Taǵala barshamyzdy osy meshittiń ashylýynda júzdesýdi jazǵaı. Jaratýshy Iemiz osy meshitti halyqtyń ıgiligi men birligine qyzmet etýin násip etkeı. Osy rette qulshylyq úıin turǵyzýǵa bastamashyl bolyp otyrǵan azamattarǵa aıryqsha alǵysymdy jetkizemin. Alla razy bolsyn!» – dedi.

Aıta ketsek, Túlkibas aýdanynyń ortalyǵy Turar Rysqulov aýylynda boı kóteretin meshit syıymdylyǵy 3000 adamdy quraıdy.