QMDB tóraǵasy Túrkııa múftıimen kezdesti (FOTO)

Búgin Bas múftı Serikbaı qajy Oraz respýblıkalyq «Áziret Sultan» meshitinde Álemdik jáne dástúrli din lıderleriniń VI sezi aıasynda Túrkııa Din isteri basqarmasynyń tóraǵasy Álı Erbashty qabyldady.

Kezdesýde Álı Erbash myrza din lıderleriniń kezekti sezi jaıly jyly pikirin bildirip, halyqaralyq basqosýdyń joǵary deńgeıde ótkenin málimdedi. Igi shara álemdik dinaralyq birlik pen beıbitshilikke oń yqpal etetinin jetkizdi. Sonymen qatar, mártebeli meıman qazaq-túrik baýyrlastyǵy nyǵaıyp kele jatqanyn da tilge tıek etti.

Óz kezeginde Bas múftı Serikbaı qajy Satybaldyuly qazaq ımamdarynyń bilim jetildirýine qoldaý kórsetip kele jatqan Túrkııa Din isteri basqarmasyna, onyń tóraǵasy Álı Erbash myrzaǵa aıryqsha alǵysy men izgi nıetin jetkizdi.

«Búginde bizdiń 100-ge jýyq ımamdarymyz Túrkııadaǵy irgeli dinı oqý oryndarynda bilimin jetildirýde. Biz dinı salada árqashan túrik baýyrlarymyzdyń qoldaýyn sezinip kelemiz. Qoldaýlaryńyz úshin ózimniń jáne Qazaqstan musylmandary dinı basqarmasy atynan alǵysymdy bildiremin», – dedi Serikbaı qajy Oraz.

Kezdesý sońynda baýyrlas elderdiń dinı saladaǵy ekijaqty baılanysyn nyǵaıtý baǵytyndaǵy ıgi bastamalar men qadamdar sóz boldy.