QMDB TÓRAǴASY JAŃA KITAPHANANYŃ AShYLÝYNA QATYSTY

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Aqtóbe oblysyna barǵan saparynda «Nur Ǵasyr» meshitinde ótken jańa kitaphananyń ashylý rásimine qatysty.

«Kitaphana jaı ǵana kitap saqtalatyn oryn emes, ol adamnyń oı-órisin keńeıtetin, izdenisine jol ashatyn, urpaqty bilimge jáne parasatqa bastaıtyn rýhanı ortalyq. Ózderińiz bilesizder, Memleket basshysy Qasym-Jomart Kemeluly ozyq oıly ult bolý úshin kitap oqıtyn, bilimge umtylatyn qoǵam qalyptastyrý qajettigin aıtqan bolatyn. Bul jerde jastarymyz taǵylymdy kitap oqyp, ǵalymdar men oıshyldardyń eńbekterimen tanysyp, dinı jáne zaıyrly bilimdi qatar meńgeredi dep senemin» dedi Bas múftı Naýryzbaı qajy Taǵanuly.